Hilmar Farid
Sasin RENETIL 
Fernando La Sama
PD ho RENETIL hetan influencia husi kultura Javanesa?
R E N E T I L
Resistencia Nasional dos Estudantes de Timor-Leste
Av. Loriku No. 01 Farol, Dili-Timor Leste
Telp. +670 77104550, 77239945, 77533058; email: RENETIL_25anos@yahoo.com
REZUMU MINUTA SORUMUTU
LORON SABADU, 9 FEVEREIRU 2013
PREPARASAUN BA KONGRESU RENETIL BA VI NO KOMEMORASAUN TINAN MURAK RENETIL
iha 20 JUNU 2013
1. Lia fuan badak hosi SEKJEN
- Hato'o benvindu ba kompaneiru sira no apresia ho kompaneiru sira nia interese ne'ebe seriu ba preparasaun nia Kongresu ba VI no Komemora TINAN MURAK RENETIL
- Tinan 2013 nudar tinan espesial ba RENETIL tamba iha tinan ne'e ita sei hala'o ita nia Kongresu ba VI hamutuk ho Komemorasaun TINAN MURAK RENETIL iha loron 20 Junu 2013
- ita hotu nia partisipasaun ativu sei fo signifikadu profundu ba komemorasaun TINAN MURAK RENETIL , momentu ida ne'ebe sei la akontese ba daruak iha ita nia moris nudar Militante vitalisia RENETIL
- Sorumutu ba preparasaun ne'e hala'o lobuk ida ona, hahu kedas iha tinan klaran tinan kotuk oinsa atu halo preparasaun ne'ebe diak ba Kongresu VI no komemorasaun TINAN MURAK RENETIL
- Asuntu importante ida mak presiza funsiona hikas fali Sekretariadu hodi atende teknikamente nesisidades organizasaun , Membrus no Simpatizantes hotu.
- Atu hatutan ejijensia iha leten maka iha fulan janeriu halo ona rekrutamentu ba staff sekretariadu nain tolu (3) tolu atu hala'o serbisu iha sekretariadu durante fulan 6 maibe sira sei serbisu voluntariu durante fulan Janeiru nia laran tamba ne'e presiza ita hotu nia kontribusaun oin sa atu finansia sira nain 3.
- Dezafiu bo'ot mai ita maka ita seidauk iha fundus ba Kongeresu VI no Komemorasaun TINAN MURAK RENETIL , Kompaneiru sira nia prezensa iha sorumutu ne'e importante hodi elabora hanoin ba dezafius hirak ne'ebe organizasaun infrenta.
- Exekutivu no Sekretariadu Prepara ona esbozu Proposta ne'ebe sei aprezenta ba forum hodi deskuti
- Iha sorumutu daruak ne'e hau sente haksolok tebes tamba numeru partisipantes kompaneiru sira aumenta tan no espera katak iha sorumutu tuir mai sei hetan partisipasaun maximu hosi kompaneiru hotu hodi fo susesu ba preparasaun Kongresu VI no TINAN MURAK RENETIL
2. Rezumu Rezultadu hosi sorumutu daruak mak hanesan tuir mai ne’e:
- Sekretariadu estabele ona regulamentu Interna inklui regulamentu finansas nian.
- Prepara esbozu proposta ba funsionamentu Sekretariadu durante fulan 6
- Prepera Komikadu Imprenza ba kazu kompaneira Lucia Lobato nian
- Establese mailing list ba membru hodi fahe progresu atividades no informasun liu hosi email
- Kontribuisaun fulan – fulan $ 2 ba funsionamentu sekretariadu nian no kontribuisaun $ 30 kada membrus ba atividade kongresu.
- Fundasaun Haburas prontu atu kontribui $ 150 durante fulan 6 maibe RENETIL presiza iha Kapital, dalan ida mak hari'i ko'operativu
- Kompaneiru Joao Travolta promete sei kontrbui $ 500 ba kongresu RENETIL nian
- Komisaun Organizadora ne'ebe atu hamrik bazeia ba iha Akta rezolusaun Preparasaun Kongresu
- Hadia fila fali AKTA Rezolusaun bazeia mudansa iha estruktura OC nian.
- Fahe Serbisu enter Steering Comite no Komisaun Organizadora
- Iha diskusaun ne’e, fahe mos kna'ar serbisu entre Komisaun Organizadora ho Steering Comite Preparasaun formatu no program kongresu responsabilidade Steering Comite nain.
- Preparasaun teknikamente ba kongresu no anu PRATA responsabilidade Komisaun Organizadora nian
- Steering Comite kompostu hosi (Fundadors, Membru Conselho Central, Kuadrus Superior no Executivu ne'ebe sei ativu) ne'ebe lidera hosi Prezidente CCR-Kompaneiru Ato Lekinawa
- Komisaun Organizadora kompostu hosi estrutura ne'ebe hili ona iha semana kotuk mak hanesan tuir mai ne’e:
3. Programa ne'ebe atu hala'o iha Kongresu RENETIL ba VI no komemorasaun TINAN MURAK RENETIL mak henesan tuir mai ne'e:
- Faze Preparasaun ba kongresu
- Faze hala'o Kongresu
- Oinsa nia forma ba hala'o kongresu
- Atividade registu Militantes no Simpatizantes RENETIL
- Kongresu nia modelu
- Steering Committee sei la forma maibe diresaun Conselho Central ou Presidente Conselho Central otomatimente sai Presidente Steering Comite (SC)
- Atividade ne'ebe sei hala'o iha Kongresu no Komemorasaun TINAN MURAK RENETIL mak: Seminar, Kongresu, Lansamentu Livru, fahe sertifikadu rekuinesimente ba Militantes no Simpatizantes RENETIL, fo Lembransa ba familia Sudozu Kompaneiru/a 12 nia familia no intrega dokumentus Saudozu/a Kompaneiru/a ba Komisaun Homenajen no Turneu Amizade entre organizasaun Juventude Estudante Rezistensia
4. Oinsa atu hetan Osan ba atividade Kongresu RENETIL no Selebrasaun Anu PRATA
- Tenki iha pancingan ( Kompaneiru Lucas)
- RENETIL bele organiza Malam Dana
- Fa'an Livru biografia RENETIL edisaun dahuluk ne'ebe hakerek hosi Kompaneiru SAKY no loke no fa'an film dokumenter asaun Estudante no Juventude Timor Leste iha Jawa-Bali iha DEPLU Jakarta iha 12 Junu 1998
5. Prekupasoens:
- Hosi Kompaneiru Marciano Sury Sakar Subar husu atu kompaneiru/a seluk atu subtitui ba nia kargu nudar Vice Presidente II OC, tanba kompaneiru Marciano iha tempu badak sei hala'o misaun seluk, maibe dezisaun ne'ebe foti liuhosi diskusaun ne’e husu nafatin Companeiru Marciano nia partisipasaun.
- kompaneiru Samala Rua propint Kompaneiru Micel Soruhatei atu subtitui kompaneiru Marciano Sury Sakar Subar nia fatin wainhira nia la iha fatin no forum sorumutu konkorda ho kompaneiru Samala Rua nia proposta ne'e
- Kontribuisaun $ 2 dalor kada fulan – fulan laiha problema maibe kontribuisaun ba kongresu tenki hare tuir nia kbi'it ka kategoria hanesan Membru Governu, Membru Parlamentu, Ambasador, Komisariu, Emprezariu, funsionariu publiku no privadu,
- Preparasaun ba kongresu ne’e presiza iha ka lae Steering Comite? Tanba Organizing Comite (OC ) hala'o deit ba serbisu tekniku
- Orsamentu ne'ebe agora iha proposta laran $ 4000+ ne'e atu utiliza ba atividades iha sekretariadu no salariu staff nain 3 nian. no KO sei dezenvolve fali proposta ba kongresu no Komemorasaun TINAN MURAK RENETIL tuir planu ativiades ne'ebe iha
- Atu buka fundus, ita tenki hatene prepara uluk ita nia planu atividades no planu finansas bazeia ba planu ativiadades no kongresista nain hira mak tuir kongresu? bainhira mak hala'o, se-se mak sei partisipa kongersu no kongresu ne’e hala'o durante loron hirak? etc
- Tenki iha durasaun tempu ba kontribuisaun $ 30 kada membrus ba atividade kongresu no Komemorasaun TINAN MURAK RENETIL
6. Sujestoens
- Atu hala'o serbisu maximu ema labele serbisu voluntariu deit maibe sira tenki iha vensimentu mensal ba sira.
- Estruktura Kongresu labele mai deit hosi fundadores no Membru Conselho Central maibe involve mos Kompanieru/a sira seluk.
- Ita bele halo atividade malam dana Atu hetan fundus balun ba kongresu no Komemorasaun TINAN MURAK RENETIL.
7. Pontus Asaun
- Sorumutu tuir mai sei hala'o iha Sabdu semana oin, oras hanesan, Fatin sede RENETIL
- Sorumutu ba Komisaun Organizadora sei hala'o iha dia 11 Feb 2013, Oras tuku 6 lokraik, Fatin sede RENETIL ( Hametin OC nia preparasaun)
- Hadia AKTA resolusaun bazeia ba mudansas iha OC nia estruktura.
RENETIL
Sem comentários:
Enviar um comentário